قصة بطولة الشهيد فؤاد النجار

المساهمات : 71 تاريخ التسجيل : 10/11/2012

قصة بطولة الشهيد فؤاد النجار

بعد ما شبابنا عبروا القنال قام مهندسينا بعمل 5 رؤوس كبارى على طول الضفة عشان الدبابات والمعدات تعبر بيها ، وكانت الكبارى دى عبارة عن مجموعة وصلات كل وصلة بتتعشق مع الوصلة التانية بطريقة معينة وهكذا لغاية ما الكوبرى يكمل
وبدأت قواتنا بالعبور دبابات ومدرعات وعربيات نقل جنود ابتدت تعبر
وفجأة وفى الكوبرى التانى وقبل نهايته بوصلتين وصلة فكت من جهة وفضلت ماسكة من الجهة التانية والكوبرى كان مليان من كل حاجة !!
وطبعاً دى كارثة لأن كده بقوا هدف سهل أوى لأى طيارة اسرائيلية بصاروخ واحد هتفجر كل ده !!
وفجأة ظهر فؤاد النجار (وفؤاد النجار كان سايق دبابة برمائية فى القنال وكان بيعدى بيها للناحية التانية مع 6 دبابات تانية ولما شاف الوضع المتأزم بتاع الكوبرى قام طالع من الصف بتاعه ورايح ناحية الكوبرى وهو بيصرخ وراح نازل بدبابته تحت الوصلة السايبة ومعلق الرفاص !!!!!!
(الدبابة البرمائية فيها حاجة اسمها الرفاص اللى بيخليها تطلع لفوق دايماً إذا غطست فى المياه عشان ماتغرقش بس الدبابة البرمائية مش مصممة للغطس فهى مفتحة من كل حتة وممكن تغطس 5 ثوانى بس مش أكتر !!(
الشهيد فؤاد النجار نزل بدبابته تحت الوصلة السايبة وشغل الرفاص وهو تحت الوصلة عشان الدبابة ترفع الجزء السايب وتخليه فى مستوى الكوبرى تقوم المعدات تعدى !!!
وطبعاً معنى كده إنه هيموت غرقان لأنه تحت الميه والدبابة مفتحة !!!
وقد كان !!!
طوال 16 دقيقة كاملة عبرت المعدات للضفة التانية وبعدين قاموا بتأمين المعدات اللى لسة ماعبرتش ورفاص الدبابة لسة شغال !!!
الشهيد فؤاد النجار كان ميت وهو حاضن الرفاص فى جهة الطلوع ورابط نفسه بقايش حديد عشان أما يموت مايسبش الرفاص وتغرق الدبابة وتتعطل الوصلة تانى !!!!!!!
والغريب إن الدبابة رجعت تشتغل تانى وكملت الحرب كله !!!ففى جنة الخلد أيها الشهيد إن الله لا يضيع أجر من أحسن عملا